حقوووق الكهيل

مطالبه الكهيل بحقوقهن فى المجتمع ( احد عنده اعتراض ......

عصابه مكونه من مجموعه من الكهيل ...قرروا دون سابق انذار ضرب العادات والتقاليد عرض الحائط
والا ستمتاع بما تبقى من حياتهن معللات ذلك ( الى متى واحنا حقوقنا مهضومه ) الكل يطالب بحقه ليعيش واحنا رضينا با السرير ودار العجزه ___ليه ما نكون كهيل لنا راى ويحترم !!!
يعنى الى ما كلين الا كو والماكوا احسن منا ....
رئيسه العصابه زوالمتمرده على سنها وعلى العادات والتقاليد الشيخه ( حسنه ) عندها حاله نفسيه ضعيفه
بلغت من الكبر عتيا واصبحت فى حاله يأس لان ما تقدم لها عريس ابد ((( ما تدرون وش يصير فيها من علوم )
تقول طول عمرى وانا اخدم اهلى فى البيت والوادى ونسيت نفسى __وحظى فى الدنيا قليل عشان انى ( ما شى هيله __لكن وذا اسوى خلقه رب العالمين كنت اغار من رفعه ومليحه ( هيلات ) جميلات والشباب يبغون لهم الرضا يرضين وانا اتميلح واسوى نفسى انى طحت فى ( الفلج ) مجرى المويه وكلا بثم واحد قومى عساااك كسر – تمنيت احد يا خذ بيدى والا يقول سلامات الا مناذير وهليل وعلوم تحز فى النفس
وبغى ابوى يبيعنى فى سوق العبيد ما احد يقول بكم .... ضاع العمر والشباب وانا قدام المشب ( اخبز والبز )يعنى تسوى خبزه ولبزه عصيده ) ولا احد حاااس فى والا سالنى وش نفسك فيه والا وش ناقصك
راحت انوثتى هدر وعنفوانى مهب الريح ...... لذا قررت اهجم اولا على ( تنباااك جدى ) واخذ سقاره .... واعدى على دولاب بنت اخوى عمرها( 12) سنه والبس من ملابسها واعيش حياتى وعادى الى يبغى يصورنى ما عندى مشكله يمكن فيه ناااس عندها ذوق وتعجب ب( الا ستايل الجديد __ وانخطب ) قولو امين
طبعا ما سلمت من شرها بنت جيرانهم الى مصيرها نفس المصير ( جمعه ) علمتها التنبااك والا دميه عندها القلب والسكر والضغط ولكن سممت افكارها لا هداف قد تكون سياسيه !!!
من حقى والا مو من حقى .؟؟؟؟؟


وهذى جمعه المسكينه ما سلمت من شرها هههههه





محسنه
مات زوجها وهى فى عز شبابها وتحملت مسؤليه عيالها وجلست على الصدقات والخدمه فى البيوت حتى ربتهم وعلمتهم وفتح ربى عليهم وصار لكل واحد وظيفه
وكانت ترعاهم بعينها وروحها حتى يكونوا احسن الناااس ...تزوجو وكان شرط الزوجات امك ما تعيش معانا
طبعا وافقوا ونسوا الحظن الدافى والقلب الحنون وصارت زيا رتهم لها اخر الا سبوع فقط

سمعت بحمله قياده المرأه للسياره وكانها بغت تنظم ل( منال الشريف )بس قالت با نتظر واشوف وش بيسوون فيها عاد انا با الحاجه وبالغه السن القانونى للسواقه وما عندى احد لكن منال الشريف ودها تقلبها فتنه ..؟؟
ويوم عرفت بالى صار لمنال قررت تخرج القروش من تحت الوساده وتشترى ( دباب ) اظن انهم منعوا سواقه السيارات لكن ما احد جاب سيره سواقه ( الدبابات )...؟؟ صار الموضوع عندها مو تلبيه احتياجها وبس صار تفحيط وتطعيس وانفتاحيه على دباب ترجع اخر الليل بحجه ان الدباب غلق بنزينه
صارت تلبس ( جينز ) حتى تستوى قعدتها ع الدباب ولازم نظارات شمسيه وبدل ما كانت حاجه ملحه لها صار الموضوع استايل ما صارت تلتزم بقوانين المرور بس تتمايل بين السيارات وتقطع الا شارات ومخالفاتها ما تنعد خذت نص المعاش



--
حنشه
يعنى مو كفايه اسمها حتى يصير الزمن عليها ....بلغت من العمر عتيا وقرر اولادها لا نشغالهم وضعها فى دار العجزه بحجه انها ترتاااح وتلاقى عنايه فاااقه وهم من وقت للثانى يزورونها
يا اللله شى غريب ( حملت وولدت وربت وتعبت سنيين ... ويوم جا رد الجميل تجمل فيها الغرب واولادها ينعمون فى خيراتهم
الموهم حنشه تتمتع من صغرها بجسم رشيق وقوام رياضى -- يعنى عندها مواهب لازم تستغلها خاصه ما شا الله ما تعانى من سكر ولا ضغط
وسمعت فى الرادى عن مسابقه فى ( الجمباااز ) فقررت المشاركه وجات لها الموافقه
لذا كل صباا ح سا عتين تمارين متواصله لعلها تشوف حياتها وتنشهر وتلقى من يهتم فى مو هبتها وبطولاتها
صارت تشرب حليب كثير تقوى عظامها لا ينكسر لها ظلع ويضيع مستقبلها
شى عجيب ورشاااقه ولياقه تبهر كل المشاهدين




----
عشرقه
عاشت مع زوجها حياه الا ستعباااد ضرب واهانه وخدمه وعينها بالارض -- كانت تفتكر ان الحياه هى كذا تزوجت عشان تكون خادمه له ولا هله ولا ترفع عينها ولا تطلب ولا تتمنى -- صار زوجها ميسور الحال
واول شى سواها تزوج عليها وطلقها
رجعت لبيت اهلها وفاااات من عمرها كثير صارت متا خره عن عمرها عشرات السنين
اهلها ما تقبلو وضعها مطلقه وصارت مذنبه دون ذنب --اهلها طردو اولا دها يروحون لا بوهم
صارت شارده الذهن –كثيره التفكير -- واحيان التبسم دون داعى -- وما صارت تشارك جيرانها (فضه __وعيشه ) قهوه الصباح تتعلل انها تعباانه وتبى تنام .. وكثير تلاحظها فضه سارحه ودموعها نا زله على خدها وتتلوا الزفرات تلو الزفرات ... صار وضعها مريب ..قربت منها فضه وقالت لها وش فيك يا خيتى
قالت انا حسيت انى ما عشت ابد ويوم جات الفرصه انى اعيش ضاع من عمرى كثير
متحسره على ايام الخوف والقلق الى كنت عايشه فيها والنااس عايشه بهنا وسعاده
ويوم بغيت اعيش صار مو من حقى راح العمر وراح الشباب
قالت انا بعلمك بسر ودخيلتك لا تعلمين احد !!قلت لها ابشرى
الا والله عشرقه تحب وورتنى حبيبها غرم الله شاب رومنسى مفتول اليدين ..عريض المنكبين ...ممشوق القامه ...دائم الا بتسامه )
طبعا ما فيه سا عتين حتى ذاع السر وتحركت مشاعر الغيره وريعان الصبا فى قلوب ( فضه وجمعه ومصلحه وحمده ) وقررن زياره عشرقه لعل وعسى يتعلمن منها اسرار الشبكه العنكبوتيه لا نقاذ ما يمكن انقاذه
طبعا تغار على غرم الله لكن الصبايا اصرين الا توريهم فارس من طراز اخر ما تعودوا يشوفونه فى ( السكه ..والسابله ) وكانت مفاجأه حسدن عشرقه عليها ( امحق من فارس رجله والقبر )












____


رحمه
عاشت حياه الكفاف .. وحكمت عليها الظروف تكون طريحه الفراش
جابو لها اولادها جوال ( برج الفيصليه ) وقت اللزوم اذا تبيهم تتصل .. لكن احد منهم يتصل عليها نادر
وثبتوا لها خدمه ( الا تصال السريع ) لارقام محدده
قررت تغزوا عالم التقنيه والجوالات ....وانتقلت بشكل مفاجا من الفيصليه الى ( البلاك بيرى ) وصار عندها ( بن ببي ... خاص ) وصارت توقف على البلكونه وتستقبل ... وفى سوابل القريه ....
صار لها نااس تسال عنها وتدردش معاهم اغلب الوقت ونست عيالها الى ما احد منهم يتصل عليها الا نادر

لا وبعد تطورت اوضاعها واشتركت فى خدمه ( الواتس اب ) وعملت قروبااات وصارت تتواصل مع جيرانها ببلاش وحست بملاء وقت فراغها وراح المرض والكسل والضغط والسكر << شى جديد فى حياتها خلاها تتمرد بقوه ( لا تقرب منالبدوى وفى يدك ريح عيش )
والان جالسه تجمع معونه الظمان الا جتماعى ومكرمات الملك الله يحفظه ودها تشترى ( ايفون ) طبعا اول حاجه فكرت فيها هى تدخل خدمه (برنامج خطير "iPhone " يصور الناس بدون ملابس)
الله لا يبلانا عاد با يعتها وما عندها شى تخاف عليه وفعلا ها البرنامج يصور الناس بلا ملابس الله يستر على المسلمين ...لكن هى واثقه من نفسها وامكا نياتها تساعد انها تستخف

والمصيبه العظمى انها تحاول تدخل برنامج (
who's here
هوز هير وهى فرحاانه تفكره دردشه بس وما تدرى انه نظام تجسس لاى جهاز ايفون ويخترق جهازها ويلقط كول صورها وملفاتها لا والا دهى من هذا انه يفتح الكاميرا الا ما ميه والخلفيه ويصور الشخص وهو مو دارى ويحدد مكانك با الضبط
علمتها بخطوره الموقف الا اصرت
عللت كلامها ما احد طالع فينى فى شبابى بيطالعون فى الان خلينى ودى اعيش حاله القلق والخوف على صورى زى بنات اليوم وبعدين انتى غيرانه منى وانا واثقه من نفسى
قلت فى نفسى ( انتى لهم بسم الله الرحمن الرحيم )

ويوم اخذت الجهاز منها استخفت وصارت تمص حلاوه